الاسکا کے جزائر میں 7.3 شدت کا زلزلہ، سونامی کا خطرہ ٹل گیا

واشنگٹن، 17 جولائی (ہ س)۔ شمالی امریکہ کی شمال مغربی سرحد پر واقع صوبہ الاسکا کا جزائر بدھ کی دوپہر ایک زوردار زلزلے سے لرز اٹھا۔ ریکٹر اسکیل پر زلزلے کی شدت 7.3 ریکارڈ کی گئی۔ اس کے بعد سونامی کے امکان کے پیش نظر الاسکا کے ساحل کے بڑے حصے کی کئی گھنٹوں تک نگرانی کی گئی۔ این بی سی نیوز چینل کے مطابق حکام نے بتایا کہ سونامی کی وارننگ کو بعد میں ایڈوائزری میں تبدیل کر دیا گیا۔ فی الوقت کسی نقصان کی فوری اطلاع نہیں ہے۔ امریکی سونامی وارننگ سینٹر کے مطابق زلزلہ مقامی وقت کے مطابق دوپہر 12:38 بجے (مشرقی وقت کے مطابق 4:38 بجے) آیا اور اس کا مرکز پاپوف جزیرے پر واقع سینڈ پوائنٹ سے 55 میل جنوب میں تھا۔ اس کی گہرائی 12 میل تھی۔ الرٹ ایڈوائزری میں یونیمک پاس سے الیوشین جزائر میں کینیڈی کے داخلے تک کا علاقہ شامل تھا۔ تقریباً 5,500 کی آبادی والے شہر کوڈیاک میں ہنگامی صورتحال سے متعلق حکام نے اعلان کیا کہ گھبرانے کی ضرورت نہیں ہے۔ اگر سونامی آئے تو پناہ گاہیں کھول دی جائیں گی اور سائرن بجائے جائیں گے۔ حکام نے بتایا کہ سونامی کا خطرہ 2 بج کر 45 منٹ پر ٹل گیا تھا۔ سینڈ پوائنٹ سٹی کی ایڈمنسٹریٹر ڈیبی شمٹ نے کہا کہ یہ اب تک کا شدید ترین زلزلہ تھا۔ انہوں نے کہا”میں گھر پر دوپہر کا کھانا کھا رہی تھی۔ گھر ہل رہا تھا۔ چیزیں نیچے گر رہی تھیں۔ الماریوں کے دروازے کھل رہے تھے۔ اگرچہ کوئی نقصان نہیں ہوا۔“