ریاستی کانگریس کے صدر دفتر صداقت آشرم میں 77 واں یوم جمہوریہ بڑے جوش و خروش کے ساتھ منایا گیا

پٹنہ، 26 جنوری (وقت نیوز سروس ۔ بہار پردیش کانگریس کمیٹی کے زیراہتمام ریاستی کانگریس ہیڈکوارٹر صداقت آشرم میں 77ویں یوم جمہوریہ کی تقریبات بڑے جوش و خروش کے ساتھ منائی گئیں۔ اس موقع پر ریاستی کانگریس صدر راجیش رام نے ترنگالہرایا۔اس موقع پر سیوا دل کے رضاکاروں اور کانگریس کارکنوں نے رسمی طور پر قومی پرچم کو سلامی دی۔ ترنگالہرانے کے بعد بہار ریاستی کانگریس کمیٹی کے صدر راجیش رام نے وہاں موجود کانگریس ارکان سے خطاب کیا۔ ترنگالہرانے کے بعد قومی ترانہ گایا گیا اور پرچم کو سلامی دی گئی۔اپنے خطاب میں ریاستی کانگریس کے صدر راجیش رام نے ریاست کے عوام کو یوم جمہوریہ کی مبارکباد دیتے ہوئے کہا کہ 26 جنوری ہندوستانی جمہوریت کی تاریخ میں ایک بہت اہم دن ہے، کیونکہ یہ دن ہندوستان کے آئین کے نافذ ہونے کادن ہے، جس سے ہمارے ملک کو ایک مکمل جمہوریہ بنایا گیا ہے۔ بابا صاحب امبیڈکر کا دیا ہوا آئین ہندوستان کی روح ہے۔ کانگریس پارٹی ہر قیمت پر اس کی حفاظت کے لیے پابند عہد ہے۔ مودی حکومت کی غلط پالیسیاں ملک کے عوام میں باہمی نفرت کو ہوا دے رہی ہیں۔انہوں نے کہا کہ انڈین نیشنل کانگریس نے جدوجہد آزادی سے لے کر آئین کے مسودے تک قوم کی تعمیر میں تاریخی کردار ادا کیا اور آج بھی جمہوریت، سماجی انصاف اور آئین کی بنیادی روح کے تحفظ کے لیے انتھک جدوجہد جاری رکھے ہوئے ہے۔ ریاستی کانگریس کے صدر راجیش رام نے کہا کہ ہندوستانی آئین ہمیں مساوات، آزادی، بھائی چارے اور انصاف کے حق کی ضمانت دیتا ہے۔انہوں نے زور دے کر کہا کہ آج کے دور میں آئین اور جمہوری اداروں کا تحفظ ہمارا اجتماعی فرض ہے۔ انہوں نے پارٹی کارکنوں پر زور دیا کہ وہ تنظیم کو مزید مضبوط کریں اور عوامی مسائل کو سڑکوں سے لے کر اسمبلی کے ایوان تک بھرپور طریقے سے اٹھائیں ۔انہوں نے بہار کی موجودہ سماجی، اقتصادی اور سیاسی صورتحال پر بھی روشنی ڈالتے ہوئے کہا کہ ریاست میں عام لوگ مہنگائی، بے روزگاری، تعلیم اور صحت جیسے بنیادی مسائل سے دوچار ہیں۔ کانگریس پارٹی مسلسل ان مسائل سے لڑ رہی ہے اور عوام کی آواز بن کر حکومت کی عوام مخالف پالیسیوں کی مخالفت کرتی رہے گی۔انہوں نے کہا کہ اس یوم جمہوریہ کے موقع پر ہمیں اس بدعنوان حکمرانی کو جڑ سے اکھاڑ پھینکنے کا عہد کرنا چاہیے۔ ملک کے لوگوں کو سمجھنا چاہیے کہ صرف کانگریس پارٹی ہی ان کے مفادات کا تحفظ کر سکتی ہے۔