سدھارتھ ملہوترا اور جہانوی کپور کی فلم ’پرم سندری‘ اب 29 اگست کو سینما گھروں میں ریلیز ہوگی

بہت سے نئے جوڑے جلد ہی سلور اسکرین پر نظر آئیں گے اور ان میں سے ایک ہے سدھارتھ ملہوترا اور جہانوی کپور کی جوڑی۔ دونوں پہلی بار فلم 'پرم سندری' میں ایک ساتھ نظر آئیں گے۔ یہ فلم پہلے 25 جولائی کو ریلیز ہونے والی تھی، لیکن اجے دیوگن کی 'سن آف سردار 2' کے ساتھ ٹکراو¿ سے بچنے کے لیے میکرز نے اس کی ریلیز کو فی الحال ملتوی کر دیا۔ اگرچہ اس وقت فلم کی ریلیز کی نئی تاریخ کا اعلان نہیں کیا گیا تھا لیکن اب میکرز نے نئی تاریخ کا اعلان کردیا ہے جس سے شائقین کا تجسس مزید بڑھ گیا ہے۔ دنیش وجن کے پروڈکشن ہاو¿س میڈاک فلمز کے بینر تلے بنی فلم 'پرم سندری' اب 29 اگست کو سینما گھروں میں ریلیز ہونے جارہی ہے۔ پروڈکشن ہاو¿س نے اس کا اعلان سوشل میڈیا پر فلم کا نیا موشن پوسٹر شیئر کرتے ہوئے کیا اور لکھا، "دنیش وجان سال کی سب سے دل کو چھو لینے والی محبت کی کہانی 'پرم سندری' لے کر آرہے ہیں۔ اسے 29 اگست سے صرف سینما گھروں میں دیکھیں۔ 'پرم سندری' کا ٹیزر مئی میں ریلیز کیا گیا تھا، جس میں سدھارتھ ملہوترا ایک شمالی ہندوستانی لڑکے پرم کے کردار میں نظر آئے تھے، جب کہ جہانوی کپور کو جنوبی ہندوستانی لڑکی سندری کے طور پر متعارف کرایا گیا تھا۔ ٹیزر میں سونو نگم کی آواز میں ایک خوبصورت گانے کی جھلک بھی دیکھی گئی۔ ٹیزر کے بعد شائقین میں فلم کے حوالے سے زبردست جوش و خروش دیکھا گیا، حالانکہ فلم کو بڑے پردے پر آنے کے لیے ناظرین کو ابھی تھوڑا انتظار کرنا پڑے گا۔ 'پرم سندری' کو پروڈیوس کرنے والے دنیش وجان پہلے ہی 'استری-2' اور 'چھاوا' جیسی ہٹ فلموں سے اپنا جادو دکھا چکے ہیں۔ اس بار وہ ناظرین کے سامنے ایک نئی اور دل کو چھو لینے والی محبت کی کہانی لے کر آرہے ہیں۔ فلم کی ہدایات تشار جلوٹا نے دی ہیں۔ کہانی شمالی ہندوستان کے رہنے والے پرم اور جنوبی ہندوستان کی ایک سندری کے گرد گھومتی ہے جو دو مختلف ثقافتوں سے تعلق رکھنے کے باوجود ایک دوسرے سے پیار کرتے ہیں۔